Go Back
–+ servings

Torta de sushi

A torta de sushi é unha maneira creativa e deliciosa de gozar de todos os sabores do sushi sen complicacións. Cunha presentación sorprendente e festiva, reúne en capas os ingredientes máis clásicos —arroz, peixe fresco, aguacate, algas e salsas— transformados nun formato tan vistoso como fácil de preparar.
A opción perfecta para quen adora o sushi pero buscan unha alternativa máis accesible e divertida.
Autor/a: Patricia Menéndez - Medio Limón
Etiqueta/s:orixinal, sushi, tarta de sushi, Vegana
Imprimir receita
Prato Primeiro prato
Cociña Japonesa
Racións 6 persoas

Equipamento

  • 1 Cazo amplo ou pota
  • 1 Molde desmontable duns 18 cm
  • 1 Táboa de madeira
  • 1 Coitelo
  • 1 Espátula
  • 1 Taza o vaso de 250 ml
  • 1 Batedor con vaso

Ingredientes
  

  • 1 Cunca arroz para sushi
  • 2 cdas vinagre
  • 1 culleradiña azucre
  • 100 ml leite de soia sen azucre
  • 200 ml aceite de xirasol
  • 1 cda salsa de soia
  • 1 bote proteína vegana sabor atún
  • 1 aguacate
  • 1 cda salsa sriracha mayo. (Opcional)
  • 1 alo tenro
  • 25 g sementes de sésamo

Elaboración paso a paso
 

  • Lava o arroz: vérteo nun bol amplo e cubre con auga, remexe coa man e tira esa auga (tamén podes regar as plantas con ela!), repite 5 veces, verás que a auga sae moito máis clara.
  • Escorre o arroz e pono nunha pota ampla. Engade 2 cuncas e media de auga e coce a lume medio durante 12 minutos.
  • Mestura unha cullerada sopeira de vinagre cunha cullerada de sobremesa de azucre branco. Verte sobre o arroz e mestura cunha espátula; deixa que arrefríe a temperatura ambiente.
  • Mentres, prepara unha veganesa oriental: no vaso do batedor, mestura 100 ml de leite de soia sen azucre e 200 ml de aceite de xirasol cunha culler sopeira de vinagre. Primeiro, bate co batedor apoiado no fondo o vaso uns 20-30 segundos, ata que vexas que a salsa empeza a formarse e a callar. Despois, sube e baixa outros 30 segundos suavemente ata que todos os ingredientes estean mesturados. Engade un chisco de sal e unha cullerada sopeira de salsa de soia e volve bater. Refrixera ata usar.
  • Corta un aguacate en láminas finas e reserva.
  • Engraxa un molde desmontable cun chorriño de aceite e estende coa axuda dunha espátula ou dun pincel de cociña; pon unha primeira capa de arroz, ten que ser 1/3 do arroz total, e achanda coa axuda da espátula. Por enriba, pon unha capa de aguacate, outro tercio do arroz, o atún vexetal e unha úlitma capa de arroz. Refrixera ata servir.
  • Retira con coidado do molde e pon os toppings que che apetezan: maionesa oriental, siracha Mayo, allos tenros, sementes de sésamo.
  • Para servir, corta como se fose unha torta tradicional e acompaña cunha cunca de salsa de soia, por se alguén quere mollar.