Clafoutis
Hai sobremesas que semellan saídas dun recordo, dunha mesa de verán lenta á sombra dunha árbore. O clafoutis é unha delas: un clásico francés que combina a sinxeleza dunha masa lixeira coa dozura zumenta da froita fresca, tradicionalmente cereixas.É un pastel a medio camiño entre un flan e unha torta, cunha textura suave e cremosa que envolve a froita coma se fose unha aperta. Sérvese morno ou frío, espolvoreado con azucre glas, e sempre invita a repetir.Ideal como sobremesa nun xantar familiar ou como merenda elegante, o clafoutis demostra que non fan falta complicacións para crear un bocado inesquecible.
Imprimir receita
Equipamento
- Saca ósos de cereixas
- Bowl
- 2 recipientes aptos para forno
Ingredientes
- 170 g de cereixas
- 100 ml de leite enteira
- 40 g fariña
- 2 cditas azucre
- 1 ud ovo
Elaboración paso a paso
- Lava as cereixas, quítalles o óso e córtaas en dúas.
- Pásaas a dúas minicuncas aptas para o forno.
- Esparexe por enriba de cada molde unha culler de azucre.
- Agora, nun bol, mestura o ovo, o leite e a fariña pasada polo baruto e despois verte repartindo a cantidade entre os dous minimoldes.
- Mete no forno a 170 graos durante 15-20 minutos en forno ventilado.