Tarta salgada de cabaciña
Hai receitas que conquistan pola súa sinxeleza e outras polo seu sabor. A tarta salgada de cabaciña ten ambas virtudes: unha preparación rápida, con poucos elementos, que se transforma nun prato lixeiro, crocante e cheo de frescura.A cabaciña, protagonista indiscutible, achega suavidade e un matiz vexetal que combina de marabilla coa cremosidade do recheo e coa textura dourada do follado. É o tipo de receita que non precisa complicacións para brillar, perfecta para improvisar unha cea especial, sorprender aos teus nun xantar familiar ou simplemente gozar dun intre de cociña caseira entre semana.O mellor desta tarta é a súa versatilidade: pódese servir recén saída do forno, con ese arrecendo irresistible que enche a cociña, ou fría, como unha opción lixeira e refrescante para o día seguinte. Ademais, admite variacións infinitas: dende versións totalmente vexetarianas ata adaptacións máis contundentes para quen busque un bocado cun extra de sabor.Unha receita sinxela, fermosa e deliciosa, que demostra que con ingredientes de sempre se poden crear pratos que se desfrutan cos cinco sentidos.
Imprimir receita
Equipamento
- Bandexa de forno
- Mandolina
- Rallador
- Pincel
Ingredientes
- 1 ud cabaciña
- 150 g queixo ricotta
- 4 cdas pesto
- 1 ud limón
- 1 ud plancha de follado
- 1 ud ovo
- Aceite de oliva
- Sal e pementa
Elaboración paso a paso
- Cortar a cabaciña en láminas finas, se é coa mandolina facilita moito o traballo.
- Nun bol, mesturar o queixo ricotta co pesto, engadir raspadura e zume de limón.
- Estender a placa de follado, engadir a mestura de pesto, ricotta e limón, deixando un bordo.
- Dispor as láminas de cabaciña superpostas.
- Pincelar co ovo batido o bordo, engadir aceite de oliva e sal sobre a cabaciña.
- Hornar a 180 graos durante 35 minutos, servir inmediatamente para que o follado conserve o seu crocante.