Ensalada de verán con requeixo e pexego
O verán é o momento perfecto para gozar dos produtos de tempada, frescos e cheos de sabor. Entre eles, o pexego é protagonista: doce, moi zumenta e cun aroma que sabe a sol, é ideal para darlle un toque diferente ás nosas ensaladas.Nesta receita combínase co requeixo e co xamón, dous ingredientes que achegan proteínas de calidade, facendo desta ensalada unha opción lixeira pero tamén saciante e nutritiva. É perfecta como xantar ou cea rápida, e ademais podes axustar as cantidades de requeixo e xamón segundo as túas necesidades: se buscas unha maior inxesta proteica, só tes que engadir un pouco máis destes ingredientes.A mestura de sabores é irresistible: a dozura do pexego contrasta coa cremosidade do requeixo e o toque salgado do xamón, creando un prato fresco, equilibrado e moi doado de preparar.
Imprimir receita
Equipamento
- Bandexa
- Tixola
Ingredientes
- 1 ud pexego
- 1/2 ud cebola
- 2 manoxo de espinacas
- 120 g xamón ibérico
- 100 g requeixo
- Aceite de oliva
- Vinagre
- Sal
Elaboración paso a paso
- Lavar e pelar o pexego, cortar en rodelas finas.
- Pasar as rodelas de pexego pola tixola para que caramelice, un minuto por cada lado ata que o vexamos torrado.
- Montar a ensalada desmenuzando as espinacas, engadindo o pexego, o requeixo, cebola cortada en juliana, lonchas de xamón e o aliño.