Crema fría de melón, cogombro e limón
É unha das miñas cremas frías favoritas e faise en menos de 10 minutos. Lixeira, antiinflamatoria, dixestiva e perfecta para coidarse. O melón achega un toque doce que, mesturado co cogombro e co limón, é perfecto. Moi importante, tomala ben fria. Esta moi rica con queixo feta esmigallado ou cun crocante de xamón. Sen ningunha dúbida, é prefecta para a época estival.
Imprimir receita
Equipamento
- Robot ou batedor , triturar todo xunto
- Táboa para cortar
- Coitelo para cortar
Ingredientes
- 1 melón (Utilizar medio melón sen pel e sen pebidas)
- 1 cogombro (Enteiro e mondado parcialmente)
- 1 limon (O zume de 2 limóns. Utilizar a súa monda para macerar o queixo)
- 1 xenxibre (Un anaco do tamaño dunha abelá)
- Sal ao gusto
- Vinagre de mazá ao gusto
- 60 g de aceite de oliva (Engadir ao final coma un fío, para emulsionar e para decorar. Engadir un chisco de queixo)
- Pementa negra ao gusto
- 1 xeo (Utilizar só para tomar no momento)
- 20 g de auga fría (Engadir unha pouca máis se queremos unha textura máis líquida)
- 1 lima (Relar ao empratar)
- 1 queixo feta
- 5 follas de menta fresca
Elaboración paso a paso
- Cortamos o melón e limpámolo; mondamos e cortamos en anacos. Mondamos parcialmente o cogombro e cortámolo en dados. Espelicamos o anaquiño de xenxibre. Esprememos 2 limóns.
- Metemos todo no robot e engadímoslle o vinagre, a pementa, o sal, o xeo e a auga.
- Trituramos todo moi moi ben ata que non queden gromos.
- Engadimos o aceite coma un fío para que emulsione e teña unha mellor textura.
- Servimos no momento cun chorro de aceite, con lima relada e con pementa negra. Metémola 4 horas na neveira. Se non a tomamos no momento, non é preciso o xeo.
- Para o topping do queixo macerado, simplemente mesturaremos o queixo feta, con aceite, pementa, reladura de limón e menta fresca.
Notas
Podes mondar a medias o cogombro para que non repita. Engade o aceite pouco a pouco para emulsionar e conseguir mellor textura.