Charlota de albaricoque
Receita de torta sen forno que se pode elaborar nunha media hora. Apta para principiantes. Moi doce e fresquiña.
Imprimir receita
Equipamento
- 1 Molde desmontable 20 cm
- Batedor para montar a nata
Ingredientes
- 300 g de biscoitos soletilla
- 1 lata de pexegos en almibre
- 500 ml de nata para montar
- 400 g de queixo crema
- 1 bote de marmelada de albaricoque
- 6 láminas de xelatina
- 3 culleradas de licor (ron, whisky, brandy…)
Elaboración paso a paso
- O primeiro paso será poñer a hidratar a xelatina cun pouco de auga fría.
- Ademais, escollemos un molde redondo e desmontable, duns 20 cm.
- Abrimos a lata de pexegos e separamos a metade de almibre nun bol.
- Engadimos dúas boas culleradas de marmelada ao almibre, así como 3 dalgún licor. Esta será a mestura para mollar os biscoitos.
- Empezamos a mollar lixeiramente os nosos biscoitos. Botamos 3 ou 4 asemade e, cando empecen a humedecerse, ímolos colocando de pé ao redor do noso molde.
- Cando teñamos todo o bordo cuberto cos biscoitos, pasaremos a facer a base. Mesmo procedemento: mollamos os biscoitos un pouco e ímolos poñendo colocados na base.
- Cortamos os nosos pexegos en láminas finas. Reservamos as 3 metades máis bonitas para decorar. O resto cortámola máis pequena.
- Escorremos a auga da xelatina, botamos 4 culleradas de almibre sobre ela, ademais de 2 boas culleradas da marmelada. Non teñas medo, a estas alturas só debería quedarche un cullerada máis. Quentámolo uns 20 segundos no microondas.
- Botamos a nata nun bol e empezamos a bater. Cando empece a cambiar a textura, engadimos o queixo crema e a mestura coa xelatina. Batemos.
- Cando empece a engordar e a ter textura de nata montada, botamos os nosos pexegos cortados pequeniños.
- Collemos o noso molde e botamos, aproximadamente, a metade da crema.
- Mollamos máis biscoitos, o mesmo que fixemos na base e poñémolos sobre a base crema (sen apertalos).
- Botamos o resto da crema e alisamos.
- Despois de mollar todos os biscoitos, deberíanos quedar un pouco de marmelada e almibre. Engadirémoslle un pouco de marmelada máis, mesturamos e botámolo sobre a nosa torta.
- Para decorar, collemos as láminas de pexego que apartamos anteriormente. A idea é ir facendo círculo con eles, sobrepoñendo o final co principio e de fóra cara a dentro. O círculo farase cada vez máis pequeno ata formar unha flor.
- Terminamos a flor co anaco máis pequeno que teñamos e reservamos na neveira toda a noitee.