Biscoito de leite quente e limón

Un dos mellores momentos do día para min é, sen ningunha dúbida, o almorzo e ter na mesa este biscoito de leite quente e limón é un gozo extraordinario.

Biscoito caseiro de leite quente e limón para almorzar… ou para saborealo cando queiras!

Aínda que na miña mesa non falta o pan integral de sementes, algo de froita, un zume natural, unha cunca grande de café con leite, sempre queda oco para un anaco pequeno de biscoito caseiro que esta semana é un auténtico luxo.

Gústanche os biscoitos? Non perdas estas receitas!

Aínda que me encanta o sabor a limón nos biscoitos, recoñezo que son unha namorada da laranxa, boa proba é o BISCOITO TENRO DE LARANXA, ou o BISCOITO CON AZUCRE EN PO DE LARANXA ou o BISCOITO DE LIMÓN E ARANDOS pero é doado substituír o limón pola laranxa e así cambiar esta receita tan sinxela por un biscoito de laranxa.

Escolle unha boa manteiga. Isto será, sen ningunha dúbida, o que marque a diferenza. Eu podo escoller entre unha gran variedade de manteigas de gran calidade que encontro en GADIS, no meu supermercado de referencia.

Autor/a: La cocina de Frabisa

Imprimir receita

Prato Almorzo, Merenda

Cociña Repostería, Tradicional

Racións persoas

Equipamento

1 molde de 20 cm

Ingredientes

100 g de manteiga
4 ovos
220 g g de leite enteiro
260 g de azucre
350 g de fariña de repostería ou trigo común + chisco de sal
15 g g de fermento de repostería ou impulsor químico
Rela dun limón

Para a terminación

90 g de chocolate con leite de cobertura (opcional)
15 g de améndoa picada

Elaboración paso a paso

Encende o forno e prequéntao a 170º con calor arriba-abaixo e coloca a reixa na segunda guía do forno.
Unta o molde de manteiga, rega cun spray desmoldeador e esparexe fariña, xira o molde para que se desprenda o exceso de fariña ou forra con papel de forno. Reserva.
Verte nun cazo a manteiga e o leite e pon ao lume ata o momento en que alcance o punto de ebulición; apaga o lume e mestura ben. Agarda ata que estea morno e reserva.
Mestura cunhas varas os ovos co azucre ata obter unha mestura abrancazada.
Agrega pouco a pouco a fariña peneirada co fermento de repostería, un chisco de sal , alternando coa mestura líquida de leite quente e manteiga e mestura con movementos suaves e envolventes.
Verte a mestura no molde.
Mete no forno a 170ª durante 55 minutos máis ou ata que picando cun espeto ou cun garfo, saia limpia.
Apaga o forno, agarda 10 minutos e desmolda sobre unha reixa.
Deixa arrefriar totalmente e cubre co chocolate derretido. Esparexe améndoas picadas.
Sirve.

Notas

Consellos: