Caldeirada galega tradicional
A caldeirada galega tradicional é un guiso mariñeiro que realza o sabor auténtico do mar, elaborado con peixes variados e patacas. O seu éxito radica na sinxeleza da preparación e, sobre todo, na calidade e frescura do produto. É un prato humilde pero cheo de carácter, típico da cociña galega.
Imprimir receita
Equipamento
- 1 Cazola amplia para cociñar as verduras e o peixe
- 1 Tixola pequena para preparar o sofrito con pemento
- 1 Coitelo para cortar patacas, cebolas e allos
- 1 Táboa de cortar
- 1 Espumadeira ou culler para servir o peixe con coidado
Ingredientes
- 1 kg de peixe fresco (pescada, rape ou cabracho en anacos)
- 4 uds patacas medianas
- 2 uds cebolas grandes
- 2 dentes de allo
- Follas de loureiro
- 1 cdita Pemento doce (opcional: un pouco de pemento picante)
- 100 ml Aceite de oliva
- Sal
- Auga ou caldo de peixe
- Pirixel fresco picado para decorar
Elaboración paso a paso
- Pelar e cortar as patacas en rodas grosas (1 cm aprox.), cortar as cebolas en rodas finas e laminar os dentes de allo.
- Nunha pota, colocar cebola, allo e loureiro no fondo, logo as patacas en capas. Cubrir con caldo ou auga, salgar e cocer 15–20 minutos.
- Colocar o peixe sobre as patacas, tapar e cocer a lume lento 8–10 minutos, segundo o grosor do peixe.
- Nunha tixola, quentar o aceite, engadir o pemento e remover rápido para que non se queime. Podes engadir un chorro de vinagre.
- Verter o aceite con pemento sobre a pota. Apagar o lume e deixar repousar 2 minutos para que se integren os sabores.
- Espolvorear con perexil fresco picado e servir quente en pratos fondos con caldo, patacas e peixe.