Polbo con patacas revolconas
Se che apetece gozar dun prato saboroso sen complicarche a vida na cociña, este polbo con patacas revolconas exprés é xusto o que necesitas. Tan delicioso como rápido de preparar, combina o mellor da cociña tradicional coa comodidade dos tempos modernos. Grazas ao uso do microondas e a un polbo xa cocido no seu propio mollo, terás un resultado espectacular en poucos minutos. Ideal para unha comida vistosa sen esforzo.
Imprimir receita
Equipamento
- 1 Estoxo de silicona para micro ou un recipiente adecuado para cociñar en microondas
- 1 Tixola
Ingredientes
- 250 grs Polbo Rías Galegas cocido no seu líquido
- 2 Patacas medianas
- 1 cda de pemento doce
- 100 ml aceite de oliva virxe
- 1 cda vinagre de xerez
- 1 cdta pemento picante
- 3 dentes de allo
- sal en escamas ao gusto
Elaboración paso a paso
Cocción patacas exprés
- Cocemos as 2 patacas con pel no micro durante 5 minutos. Para iso utilizamos un estoxo de silicona no que as introduciremos lavadas e ben molladas, ou, unha vez lavadas, picámolas en envolvémolas en papel de cociña húmido
Allada
- Nunha tixola engadimos o aceite de oliva virxe e confitamos nel os allos moi picadiños. Cando estan douradiños,engadimos o pemento doce, remexemos ben e, despois, engadimos o vinagre. Retiramos do lume e reservamos.
Polbo
- Abrimos o envoltorio do polbo e gardamos por separado líquido e patas.
Patatas revolconas
- Engadímoslles ás patacas cocidas e peladas esa allada e tamén a auga do polbo previamente quentada no micro. Esmagamos cun prensaverduras ou pasapurés.
Montaxe do prato
- Na tixola e no resto de aceite sobrante, torramos un pouco o polbo por todos os lados para que, ademais, colla temperatura.
- Empratamos facendo unha cama coas patacas e poñendo sobre ela o polbo torrado.
- Vertemos o aceite sobrante de dourar o polbo e salgamos ao noso gusto con sal en escamas.
- Decoramos esparexendo pemento picante por enriba.