Ñoquis de cabaza con salsa de queixo e espinaca
Só precisas un pouco de tempo para preparar este delicioso prato de ñoquis caseiros sen glute e cun intenso sabor a cabaza. Sorprenden coa súa preciosa forma de cabaza e combinan á perfección coas espinacas e coa salsa de queixo. Unha fusión italo-galega moi fácil de facer coa que, con seguridade, terás éxito na mesa e na cociña.
Imprimir receita
Equipamento
- Forno para asar a cabaza
- Pota para cocer as patacas e os ñoquis
- Espumadeira para retirar os ñoquis e as patacas da auga
- Cazo para realizar a salsa de queixo
- Bol para mesturar os ingredientes dos ñoquis
- Garfo para facer os purés
- Coador para peneirar a fariña
- Relador para relar o queixo
- Fonte para colocar os ñoquis
- Fío para darlles forma de cabaza aos ñoquis
- Culler para colocar os ñoquis
Ingredientes
Ñoquis
- 400 g de cabaza asada
- 400 g de pataca cocida
- 300 g de fariña fina de millo
- 100 g de espinacas conxeladas
- 1 Ovo
- 2 culleradas de queixo relado
- 1 cullerada de manteiga
- Sal
- Pementa negra
- Noz moscada
Salsa de queixo
- 300 ml de leite semidesnatado
- 200 g de queixo tradicional galego
- 100 g de queixo parma reggian relado
- Sal
- Pementa negra
- Noz moscada
Elaboración paso a paso
Ñoquis
- Cortar e asar a cabaza ao forno a 200ºC durante 15 min. Retirar, pelar e facer puré.
- Mondar, cortar en anacos e cocer as patacas en auga con sal durante 10 min. Escorrer e facer puré.
- Mesturar os purés de cabaza e de pataca co ovo, a manteiga e o queixo relado.
- Salpementar e engadir a noz moscada.
- ncorporar a fariña fina de millo peneirada e mesturar.
- Dividir a masa e dar forma redondeada. Cun fío, darlles forma de cabazas ás boliñas.
- Cocer en auga fervendo con sal durante 2 min e retirar cando suban á superficie.
- Empratar sobre as follas de espinacas e colocar os talos das espinacas cortados en anacos sobre os ñoquis.
Salsa de queixo
- Quentar o leite. Salpementar e engadir a noz moscada.
- Retirar a pel do queixo e cortar en anacos.
- Engadir o queixo partido e o queixo relado e ligar a salsa, remexendo, durante 5 min. Retirar e servir sobre os ñoquis.
Video
Notas
Cando cozas os ñoquis, engade pouca cantidade na pota para que non se peguen. Cando suban á superficie, estarán listos.