Go Back
–+ servings

Salmón de luxo

Este salmón de luxo que vos traio hoxe aquí é unha receita fantástica. Ten a vantaxe de que, ademais de preciosa é riquísima e faise en 13 minutos de forno. E se tedes as salsas feitas do día anterior só vos queda preparar a gornición que, por outra parte, é moi sinxela.
Autor/a: Guisándome la vida - Carmen Albo
Etiqueta/s:Forno, Nadal, Peixe, Salmón
Imprimir receita
Tempo de preparación25 minutes
Tempo de cocción13 minutes
Tempo total38 minutes
Prato Prato principal
Cociña Española
Racións 2 persoas

Equipamento

  • 1 Recipiente de silicona para micro ou que sexa adecuado para cociñar en microondas
  • 1 Forno
  • 2 Follas de papel de forno
  • 1 Xerra A xerra debe ser ampla para que non se verta a allada cando incorporemos o vinagre

Ingredientes
  

  • 2 Supremas de salmón
  • 1 Iogur grego
  • 1/2 Mango
  • 100 grs Queixo feta
  • 1 Cebola vermella
  • 2 Limas
  • 1 Laranxa
  • Mile, curry e salsa de soia Al gusto
  • Aneto e hortelá Al gusto
  • Aceite de oliva, sal e tomiño Al gusto
  • 3 Dentes de allo
  • 4 Patacas
  • 60 grs Chícharos finos conxelados

Elaboración paso a paso
 

  • Conserva de cebola en vinagre
  • Preparamos a conserva en vinagre da cebola vermella en modo exprés. Cortámola moi fina, deixámola repousar nunha mestura de zume de lima, vinagre de mazá, mel e auga. Podemos facelo con  varios días de antelación e estará máis rica. Na neveira dura meses e eu úsoa para sándwiches, ensaladas, canapés...
  • A conserva de cebola en vinagre pode, e debe, facerse con días de antelación. Na neveira mantense durante meses.
  • Mariñado do Salmón
  • Mariñamos previamente o salmón durante un mínimo de 2 horas nunha mestura de zume de laranxa, lima, soia, mel curry e aneto fresco. 
  • Preparación Salsas
  • Bater en túrmix os iogures gregos con queixo feta, aneto e hortelá.
  • Bater en túrmix un mango cun pouco de brandy e poñer na tixola a reducir cun chorriño de soia
  • Cociñado do Salmón
  • Preparamos as papillotas con papel de forno. Podemos facelas de 2 en 2 toradas para facilitar a elaboración.Colocamos nelas o salmón mariñado previamente. Escorremos o salmón do mariñado e colocámolo sobre o papel de forno. Engadimos un pouquiño de aceite virxe sobre cada lombo e introducimos un anaco de papel de forno separando os lombos para que no se peguen. Pechamos os paquetes.
    Cociñamos no forno quente a 190 º uns 13 minutos.
  • Empratado
  • No fondo do prato colocamos un fondo circular  de salsa de queixo con herbas
    Enriba, a suprema de salmón pintada coa salsa de mango
    Coroamos coa conserva de cebola en vinagre sobre o salmón
    Engadimos as pataquiñas cocidas e pasadas pola tixola  e colocamos uns chícharos  para darlle un toque verde
  • Gornicións
  • Patacas pequenas de gornición previamente cocidas coa monda en auga, ou ao vapor no micro. Engadimos uns poucos chícharos cocidos ao vapor.
    Cortamos as patacas en cachelos e ben ao forno ou na t ixola, pasámolas por aceite ou manteiga cuns dentes de allo enteiros esmagados, tomiño, sal e pementa.