Galette de follado con allos porros, espárragos silvestres, cherry e mozzarella
O ingrediente protagonista da nosa receita de hoxe é a mozzarella fresca xa que ademais de ser ideal para fundir, no aspecto nutricional contén pouca graxa, é rica en proteínas, calcio, cinc e fósforo. Achega vitaminas B (B1, B2, B6) e E.
Estendemos a masa sobre un molde redondo duns 26cm, deixando os bordos que sobran por fóra.
Picamos o centro cun garfo (non picaremos os bordos).
Nun fondo de aceite rustrimos o allo porro en xuliana e os trigueiros silvestres cortados en anacos, uns 5 min a lume medio, salpementamos, pasamos a un coador.
Colocamos sobre o follado todo o rustrido, a mozzarella no medio cun chorriño do aceite do rustrido e pementa negra, repartimos os cherry cortados pola metade e salgamos ao gusto.
Dobramos o bordo cara a dentro, pintamos con ovo batido.