Empanada de raxo e marmelada de pementos
Empanada de raxo con marmelada de pementos é unha receita sinxela, ideal para comer en familia. A combinación de sabores é excelente.
Imprimir receita
Equipamento
- Forno
- Tixola para saltear os ingredientes
- Pincel de cocina para pintar a empanada
Ingredientes
- 2 masas de empanada
- 1 bote de mermelada de pementos
- 1 cebola
- 3 champiñóns
- 1 ovo para pintar a masa
- 450 g de raxo
Elaboración paso a paso
Zaragallada
- Cortamos o raxo en filetes finos e despois en pequenos bocados.
- Salpementamos e selamos lixeiramente nunha tixola ben quente.
- Cortamos a cebola e os champiñóns e pasámolos tamén pola tixola
Empanada
- Prequentamos o forno a 200ºC.
- Estendemos unha capa da nosa marmelada de pemento sobre a masa, repartimos a cebola e os champiñóns e, por último, colocamos enriba a carne, asegurándonos que estea ben chea en todos os sitios.
- Estiramos a segunda masa sobre a mesa e cortamos medio centímetro polo lado longo e outro polo lado curto, así quedarannos dúas tiras para decorar e ao pechar a empanada será máis doada e bonita.
- Colocamos a masa tapando e pechamos os bordos con coidado para que quede completamente selada. Decoramos coas dúas tiras que acabamos de sacar.
- Batemos un ovo e pincelamos por enriba a empanada para que unha vez enfornada, teña unha bonita color. Facemos un burato na parte central cun coitelo para que saia o vapor..
- Enfornamos uns 25 minutos aprox., aínda que recomendo seguir sempre as instrucións de tempo que indica o voso paquete.
- Deixamos arrefriar e a desfrutar.