receita
Hai unha receita para cada momento e en Gadis queremos compartilas todas contigo.
Mousse de albaricoque
Aproveita ao máximo a tempada de albaricoques con esta receita lixeira e deliciosa. Este mousse combina o mellor da froita fresca cunha preparación sinxela e rápida, ideal para quen busca unha sobremesa suave, baixa en azucre e cun toque saudable. Perfecto para refrescarse!
Imprimir receita
Equipamento
- 1 Microondas
- 1 Batedor para triturar e bater
- 6 Copas ou vasiños para empratar
Ingredientes
- 250 g albaricoques (sen óso)
- 40 g azucre
- 4 láminas xelatina
- 250 ml nata para montar
- 1 bote marmelada de albaricoque. Para decorar
Elaboración paso a paso
- Quitámoslle o óso á froita, cortámola e triturámola.
- Apartamos a metade da froita triturada e quentámola 2 minutos no microondas.
- Deseguido, engadímoslle o azucre e mais a xelatina e remexemos.
- Deixamos que perda a calor e engadimos o resto da froita triturada.
- Engadimos unhas culleres de froita triturada no fondo das nosas copas.
- Semimontamos a nata e engadimos o albaricoque triturado. Remexemos todo ata que a mestura quede homoxénea.
- Vertemos sobre as copas, sobre boles ou sobre o que teñamos pola casa. Podemos axudarnos botándoo nunha manga pasteleira e despois na copa.
- Deixamos arrefriar na neveira, mínimo, un par de horas. O ideal, toda a noite.
