receita
Hai unha receita para cada momento e en Gadis queremos compartilas todas contigo.
Caldo galego
O caldo galego é unha receita tradicional reconfortante, feita con grelos, patacas, fabas e unto, que recolle a esencia do rural galego. A calidade dos ingredientes frescos e de tempada é clave para acadar o seu sabor característico. É un prato sinxelo pero profundamente arraigado na cultura gastronómica de Galicia.
Imprimir receita
Equipamento
- 1 ola grande para cocer todo o caldo
- 1 Coitelo para picar patacas e grelos
- 1 Táboa de cortar para preparar os ingredientes
- 1 Culler de cociña para remover e comprobar o punto de cocción
- 1 Cunca grande para poner a remollo as fabas e o lacón
- 1 Espumadeira para retirar as carnes do caldo
Ingredientes
- 50 g fabas pequenas
- 500 g de pataca pelada
- 1 presada de grelos (aproximadamente 500gr)
- 300 g de óso de espiñazo de porco
- 250 g de lacón (poñer a remollo se é salgado)
- 50 g de unto
- 150 g de touciño de porco salgado
- Sal
- Chourizo (engadir se se desexa)
Elaboración paso a paso
- Poñer as fabas a remollo a noite anterior. Se o lacón é salgado, tamén debe poñerse a remollo para desalalo.
- Nunha pota grande con auga, cocer o óso de espiñazo, o lacón, o unto e o touciño ata que estean tenros pero sen desfacer. Retiralos do caldo.
- Engadir as fabas ao mesmo caldo e cocelas ata que estean a medio facer.
- Picar as patacas rompéndoas co coitelo (non cun corte limpo) e engadilas ao caldo xunto coas fabas. Cocer todo xunto.
- Lavar os grelos e cortalos finamente. Engadilos á pota cando as patacas estean case feitas.
- Cocer todo xunto ata que os grelos estean ben cocidos. Rectificar de sal ao gusto.
- Deixar repousar uns minutos antes de servir. Pódese engadir chourizo ao gusto.
