receita
Hai unha receita para cada momento e en Gadis queremos compartilas todas contigo.
Bonito en escabeche fino
O bonito en escabeche é un clásico da nosa cociña, nesta receita o equilibrio é a clave, e cada ingrediente acompaña con sutileza, sen impoñerse. O resultado é un prato cheo de matices, onde a textura e o sabor do bonito mantéñense en primeiro plano, realzados por un escabeche suave, aromático e delicado.
Imprimir receita
Equipamento
- 1 Tarteira ou tixola ampla
Ingredientes
- 1,3 kgs bonito do norte amplo
- 1 Cebola vermella
- 1 Ceboleta
- 1 Allo porro
- 3 Cenorias
- 2 vasos aceite de oliva
- 2 vasos vinagre de mazá
- 2 vasos viño branco galego
- Sal ao gusto
- Pementas variadas ao gusto
Elaboración paso a paso
- Pedimos na peixaría que nos limpen de espiñas e pel o anaco de bonito do norte. Eu tamén lle retiro toda a zona de sangue vermello chamada sangacho, porque, para o meu gusto, dálle un sabor moi forte e marcado ao peixe.
- Partimos os lombos xa limpos en dados duns 3 x 3 centímetros e reservamos.
- Con axuda dunha mandolina cortamos moi finos: 3 cenorias, 1 ceboliña, 1 cebola vermella pequena e a parte branca dun allo porro.
- Colocamos as hortalizas nunha tarteira ampla, engadimos 2 vasos (tamaño viño) de aceite virxe, sal e acendemos o lume. Deixamos pochar as verduras uns 5 minutos e, a continuación, engadimos bolitas de pementas variadas, outros 2 vasos de vinagre de mazá (moito máis suave) e 2 vasos de viño branco galego. Deixamos cociñar 2 minutos a lume forte para que se evaporen os alcois.
- Pasado este tempo, baixamos un pouco o lume e tapamos para que non se nos evapore máis líquido. Deixamos cociñar 15 minutos ou ata que comprobemos que a cenoria este enteira pero non dura.
- Volvemos poñer ao lume a toda potencia e, cando o escabeche estea a ferver a lume de biqueira, é o momento de engadir os anacos de bonito reservados e de salgalos.IMPORTANTE: nese momento, tapamos a tarteira e retirámola do lume.
- Deixamos que a calor residual faga o milagre mentres o bonito repousa no seu escabeche durante 10 minutos. Pasado ese tempo, con coidado, dámoslle a volta a todos os anacos. Volvemos tapar e deixamos outros 10 minutos ata se termine de facer o peixe.
- Xa só nos queda acompañalo duns cachelitos feitos no micro en 5 minutos e gozar ao instante dunha comida sa e marabillosa cada vez que cheguemos acalorados da praia ou do traballo.
