Un San Valentín con moito amor

Ah! O día dos namorados. Unha data sinalada no calendario para festexar o amor. E que mellor mostra de amor que un menú saudable 😊 Cóidache e déixache coidar e a gozar tope do 14 de febreiro!

Receitas para San Valentín

En soidade ou compañía esta data é unha boa escusa para a creatividade na cociña. En realidade, calquera receita normal á que engadamos forma de corazón, fará as delicias dos comensais. Mesmo en familia podemos regalarnos un menú todo corazón. Para iso, os  moldes poden facer gran parte do traballo así que faiche con un! Se temos peques en casa, seguro que lles encanta a botarnos unha man.
A continuación, propoñémosvos 3 momentos do día que podemos transformar en románticos.

Un almorzo de San Valentín

Aquí as torradas con forma de corazón non poden faltar. Son unha simpática chiscadela a este día sinalado e nin sequera necesitaremos molde. Podemos aproveitar e facer un almorzo máis completo para un día cheo de emocións.
Os ovos son unha opción estupenda. Revoltos e colocados coidadosamente sobre a nosa  tosta con forma de corazón. Un truco para que queden zumentos é  saltear primeiro na tixola cun pouco de aceite un tomate cortado en  trozos pequenos. Dámoslles unhas vo
ltas e engadimos os ovos. Engadimos sal e pementa. Imos movendo os ovos para rompelos e ir converténdoos en revoltos. Separamos do lume antes de que callen do todo e…  zumento total!
Se tes un  molde para a tixola con forma de corazón, ve a por o ovo enteiro. Recorta o pan bordeando ese  molde e colócalle o ovo encima. Que precioso!
Podemos completar o noso almorzo cunha peza de froita e un lácteo. O iogur servido nunha cunca pode levar anacos de amorodos naturais. Se cortamos os amorodos á metade e poñémolas unha á beira doutra, terán forma de pequeno corazón. Podemos unilas na base cun escarvadentes e poñelas de decoración encima. Se non queremos iogur, unha espetada de froitas con forma de corazón pode ser unha boa opción.

Un prato de San Valentín

Propoñémosvos facervos un agasallo para os sentidos.  Ravioli caseiro. É unha receita á que hai que dedicarlle tempo, pero o resultado é marabilloso. Podemos enchelos do que queiramos. E, obviamente, tamén existen  moldes para que os  ravioli teñan forma de corazón. Son divinos!
Os ingredientes son bastante sinxelos. Estes son:

  • 300  gramos de fariña.
  • 1 chisco de sal.
  • 3 ovos.
  • 1 cullerada de aceite de oliva virxe extra.
  • 4  culleradas pequenas de auga tépeda.

O primeiro que facemos en  peneirar a fariña co chisco de sal. Pasámola por un  coador e facemos unha montaña pequena. Batemos os ovos, facemos un buraco no centro da fariña e engadimos os ovos, o aceite e a auga. A partir de aí, todo o que nos queda é  amasar.  Amasaremos o tempo suficiente para ter unha masa uniforme que se despega dos dedos. Facemos unha bóla e deixámola envolvida nun pano de 30 a 60 minutos. Durante ese tempo podemos facer o recheo. Con carne, peixe,  vexetariano, vegano…todas as opcións valen. O único que debemos ter en conta é que non sexa nin moi líquido nin moi seco.
Pasado o tempo, tan só debemos estirar a masa. Botamos a fariña, partimos a masa en dúas e estiramos co rodete. Un será a base dos nosos  ravioli. O outro, a tapa. Se temos o  molde colocamos a masa basee sobre el.  Damos forma á masa sobre o molde. Enchemos sen que se salga polos lados, apertando un pouquiño cunha culler. Poñemos a outra parte da masa encima e damos presión nos bordos. Retiramos a masa sobrante e  listo! Xa os temos. Para cocelos, cuns 2-3 minutos bastará.

Unha sobremesa de San Valentín

Para terminar, presentámosvos unhas  sinxelas  trufas de chocolate sen glute nin lácteos nin forno. E deliciosas. Os ingredientes son:

  • 1 cullerada de cacao puro en po.
  • 100  gramos améndoa moída.
  • Mollo dunha laranxa.
  • Mel ao gusto.
  • Relada de coco para decorar.

A preparación non pode ser máis sinxela. Mesturamos a fariña de améndoa/améndoa moída co cacao, o zume de laranxa e o mel.  Amasamos ata ser unha masa compacta. Se vemos que está moi solta, engadímoslle máis améndoa. Dámoslle forma de  bola e botámola a un recipiente con coco relado. Movemos o  recipiente e a  bola cubrirase cunha cobertura de coco. Metémolas á neveira uns 30 minutos  aproximadamente. Sacámolas un pouco antes de comelas e asegurámosvos que están  boísimas. Se queremos darlle o noso inconfundible toque de corazón, podémolas moldear coas mans. Colocalas nunha bandexa e  botar o coco por enriba. Tamén podemos prescindir del ou usar outro acabado.
Que vos pareceron estas ideas? Tedes outras? Estamos a desexar que as compartades e que nos contedes como vos quedaron. Feliz día de San Valentín!

Deja un comentario