Go Back
–+ servings

Mini banana bread de avea

Na cociña, ás veces, os grandes praceres nacen do pequeno. Un plátano esquecido na froiteira, unha cunca de avea agardando o seu momento, a calor do forno que transforma o cotián en algo especial. Así xorde este mini banana bread con avea: un paneciño húmido, tenro e reconfortante que cheira a fogar e sabe a pausa doce no medio do día.
Ideal para almorzos sinxelos, merendas con café ou como snack que cabe nun tupper, este pan en miniatura é unha receita fácil, saudable e perfecta para aproveitar eses plátanos maduros que semellaban condenados ao esquecemento.
Autor/a: Carlota Fariña
Etiqueta/s:almorzo, avea, plátano, receita doada, receita rápida
Imprimir receita
Tempo de preparación10 minutes
Tempo de cocción15 minutes
Prato Almorzo
Cociña Americana
Racións 2 persoas

Equipamento

  • batedora
  • 2 recipientes pequenos aptos para forno

Ingredientes
  

  • 80 g de avea
  • 100 ml leite enteira
  • 1 ud plátano moi maduro
  • 1 ud ovo
  • 1 manchea de chips de chocolate
  • 1 cdiña de esencia de vainilla

Elaboración paso a paso
 

  • Prequentamos o forno a 180 graos.
  • Nun prato, esmagamos cun garfo a metade do plátano (que sexa maduro para que nos dea ese azucre que non imos botar na receita).
  • Pasámolo a un bol no que engadimos a avea, o leite, o ovo e mais a esencia de vainilla
  • Transferimos aos minimoldes e, por enriba, poñemos as rodas de plátano (da outra metade que temos) e os chips de chocolate; cantidade ao gusto.
  • Metemos no forno durante uns 15 minutos aproximadamente, en forno ventilado
  • Retira e… buon appetito!