Calendario saudable

As posibilidades do limón son moi amplas. É un excelente alimento que dá sabor á comida e acompaña a peixes e mariscos, tanto en preparacións en cru, como cocidos. Seguro que o probaches con ostras, ameixas ou mexillóns. Resulta fundamental na elaboración de salsas, nos peixes ao forno e é excelente na preparación de limoadas frescas ou de sorbetes e granizados para o verán.

Non se deben manipular os amorodos en exceso e tampouco expoñelos á calor. Ademais, hai que lavalos no último momento antes de servilos para que conserven todas as súas propiedades. Os amorodos e fresóns son deliciosos cando se toman ao natural, cun pouco de pementa ou con zume de laranxa, limón ou un bo vinagre balsámico para realzar o seu sabor. Tamén son exquisitos con iogur natural!

O delicioso sabor do níspero gusta á maior parte das persoas. Ademais é fantástico para todas as idades! Para comelo debe estar totalmente maduro, se non resultará acedo. A forma de pelalo é moi sinxela: tírase do pedúnculo cara abaixo co fin de despegar a pel, e a continuación sepárase o resto da pel. É unha froita fantástica para facer xeleas, compotas, marmeladas e confeituras, aínda que o seu consumo desta maneira debe realizarse de forma moderada polo alto nivel de azucre.

O albaricoque pódese tomar de moitas maneiras: só, pelado ou con pel, en ensalada, macedonia, cócteles, marmeladas, repostería, sorbetes e xeados, como aperitivo, ensaladas... Dado o seu exquisito doce e a súa fragrancia, os albaricoques consómense como froita fresca ben maduros. Tamén se poden deixar secar sen óso e obtéñense os orellóns ou se poden preparar marmeladas. Podes ler máis sobre os seus mitos e verdades nutricionais aquí.

O nome de nectarina provén do seu singular sabor e doce, xa que o seu néctar é diferente ao do resto das froitas. O seu valor nutricional é moi parecido ao pexego e ao incorporala á dieta mellorará o tracto intestinal. Pódese consumir ao natural, con ou sen pel, engadíndoa a un iogur, con zume de laranxa ou elaborar unha marmelada baixa en azucre.

O pexego tamén é consumido como froito seco: os orellóns. Para a súa preparación, os pexegos frescos, son mergullados alternativamente en auga fría e quente, co fin de facilitar a separación da pel. Despois pártense pola metade, quítaselles o óso e, posteriormente, desécanse. Anímaste a facelos en casa?O pexego tamén é consumido como froito seco: os orellóns. Para a súa preparación, os pexegos frescos, son mergullados alternativamente en auga fría e quente, co fin de facilitar a separación da pel.

Pode gozarse a calquera hora do día e é perfecta para o almorzo ou a merenda. Pódese engadir a ensaladas como primeiro prato, como prostre tanto soa como acompañada doutras froitas frescas, en bebidas refrescantes, xeados, macedonias, cócteles, sorbetes e zumes. No noso blog Gadis Saludable, atoparás receitas deliciosas con sandía.

A cirola é unha froita de tempada que se pode comer a calquera hora do día. É perfecta para a media mañá ou a merenda. Coas ameixas pódense elaborar unha infinidade de receitas: ensaladas, macedonias, repostería, cócteles, marmeladas, etc. Tamén se poden preparar fantásticas salsas para a carne. As cirolas é outra das froitas que poden ser desecadas dando lugar ás cirolas pasas. Aquí podes atopar diversas formas de consumilas.

O melón é apto para comer a calquera hora de día, xa sexa só ou en macedonia ou ensalada. Un par de preparacións clásicas e, que sempre funcionan, é en dadiños e cun pouco de xamón e en batido con xeo, engadíndolle unhas follas de menta. Tamén poderemos utilizalo como acompañante da carne asada, con pementa negra.

O aguacate contén un óso redondeado no centro que prevén a oxidación da froita. Cando o vaiamos cortar é importante ter en conta o óso: deberemos cortalo ata a metade e a partir de aí virar o coitelo ata redondear todo o aguacate. Ao ser unha froita sen sabor doce é máis habitual usalo para pratos salgados como ensaladas, guacamole (con cebola, tomate, cilantro e limón), pasta ou puré. A polpa é tan cremosa que pode usarse para untar, cun pouco de aceite, limón e sal. Aínda que esta combinación doce te sorprenderá gratamente.

Esta froita é deliciosa para consumir en calquera momento do día, polo seu cheiro e sabor é refrescante e evoca os mellores momentos do verán. O paraguaio pódese comer con pel ou sen ela e é un complemento perfecto para as ensaladas e macedonias. Probáchelo nos smoothies? É moi saboroso cun pouco de melón e menta!

A mellor forma de tomar o figo é ao natural, cando están maduros teñen un exquisito sabor doce e literalmente desfanse na boca. Tamén se poden servir cun pouco de queixo estilo camembert ou con xamón, en poucos minutos poderás elaborar unha sobremesa refinada e deliciosa. Se es dos que teñen figueira en casa e xúntaste nunhas poucas semanas con moita froita podes elaborar marmelada de figo. Polo alto doce que ten o figo non será necesario que anadas máis azucre á cocción, mesmo poderás substituir o azucre por panela. Aquí unha receita. Terás una marmelada máis saudable!

A pera é unha froita que se está madura é deliciosa, repleta de zume e moi refrescante. O mellor é comela ao natural, con ou sen pel. En cambio, se lle falta un toque para a maduración podemos usala en ensaladas. Rúcula, queixo e pera é un triunfo asegurado. Tamén é un ingrediente perfecto para compotas ou zumes.

A maneira máis común de tomar o marmelo é en marmeladas ou confeituras, de feito, o sobremesa “marmelo” é moi popular. O marmelo contén un alto nivel de pectina que é un espesante natural, polo que é fantástico para realizar xelatinas ou confeituras. Partido e baleirado con panela e canela e enfornado é delicioso.

O mango é unha delicia, polo que se pode tomar como froita fresca, acompañado doutras froitas nunha macedonia ou con iogur natural. É habitual preparar zumes e batidos, sobre todo se temos un mango a piques de pasarse (así evitaremos o desperdicio alimentario). Ademais, se está verde acompaña moi ben ao peixe e á carne. É moi habitual como complemento na cociña asiática pola combinación aceda co picante. Aquí tes 10 ideas que che encantarán. Sempre se debe pelar.

A mazá consómese como froita de mesa ou como ingrediente de ensaladas. Tamén en salsas, guisos, compotas, marmeladas e zumes, e como ingrediente principal en repostería: tortas, empanadas, etc. É unha excelente opción para persoas con diabetes, aquí podes aprender a facer unha deliciosa tarta de mazá sen azucre.

As cereixas son unha froita exquisita que é moi sinxela comer a media mañá ou na merenda. Pódense tomar soas ou en macedonia. Ademais, son moi apreciadas en repostería, xa sexa ao natural ou confeitadas. Son un recurso moi útil para guarnicións de carnes exóticas, como a caza.