Vasiños de pastel de atún

por: María Santos

Esta receita forma parte desas receitas sinxelas que sempre paga a pena gardar porque podes preparala con antelación, xa que se pode conservar na neveira durante 3 días e é ideal para conquistar os teus invitados sen pasares moito traballo.

*Receita orixinal en castelán

Categoría Peixes e mariscos

Comensais 4 personas

Tempo de elaboración 1 20

Ingredientes:

4 Patacas medianas
30 g manteiga
150 ml de leite quente
50 ml de nata
Sal
Pementa
2 latas de atún en aceite. Ben escorrido e esmigallado
1 lata de tomate triturado
1/2 cebola
1 dente de allo
2 cdas de aceite de oliva
1 cdña de azucre para a acidez
Sal
Pementa
100 de queixo relado curado. Tipo parmesano
2 cdas de olivas negras e verdes moi picadas e escorridas

Preparación:

Crema de pataca:

Coce as patacas mondadas en auga con sal ata que estean moi tenras.
Escórreas e pásaas polo pasapurés.
Engade a manteiga e mestura.
Incorpora o leite quente pouco a pouco ata lograr unha crema suave e lixeira.
Engade a nata (isto proporciona maior cremosidade)
Axusta sal e pementa. Mantén quente.

Salsa de tomate caseira e atún:

Rustre cebola e allo moi picadiños no aceite de oliva ata que estean brandos.
Engade o tomate triturado,
Cociña 15-20 minutos ata que a salsa espese e perda acidez.
Engade sal, pementa e un chisco de azucre.
Incorpora o atún escorrido e esmigallado. Mestura ben e cociña 2-3 minutos máis.
Debe quedar zumarento, integrado na salsa, non seco.

Tellas de queixo con olivas

Prequentar o forno a 180 ºC
Mesturar o queixo relado coas olivas be escorridas.
Formar círculos finos sobre o papel de forno.
Meter no forno 6-8 minutos ata dourar e deixar arrefriar para que queden crocantes.

Montaxe

Verte en vasiños resistentes á calor (eu usei envases de iogur).
Primeiro cubre unha base de crema de pataca quente.
Deseguido, realiza unha capa de atún con tomate caseiro quente.
Finalmente, cubre con outra capa de crema de pataca.